I-SWEEEP MONGOLIA

• Байгаль орчны төрлөөр амжилт гаргасан сурагчид Олон улсын “Inepo-2012 “ олимпиадад оролцох эрх авна.

• Эбико / компьютер/ -гийн төрлөөр амжилт гаргасан сурагчид олон улсын “Эбико -2012 “олимпиадад оролцох эрх авна.

• Энерги, Инженерчлэл, Байгаль орчин 3 төрөлд амжилт гаргасан сурагчид Олон улсын “ I – SWEEEP 2012 “ олимпиадад оролцох эрх авна.

I-SWEEEP MONGOLIA гэж юу вэ?

I-SWEEEP, the International Sustainable World (Energy, Engineering, and Environment) Project Olympiad буюу Тогтвортой Дэлхий (Энерги, Инженерчлэл, Байгаль орчин, ) олон улсын төслийн олимпиад нь дунд сургуулийн ахлах ангиудын дунд зохиогддог Монгол дахь шинжлэх ухааны төслийн анхдагч бөгөөд хамгийн том үйл ажиллагаа юм.

I-SWEEEP Mongolia-ийн төв нь Улаанбаатар хотноо байрладаг, Монголын залуучуудад дэлхийн жишигт боловсрол олгох зорилгоор байгалийн шинжлэх ухаан болон англи хэлний гүнзгий сургалттай дунд боловсролын (K12) сургуулиуд нээн ажиллуулж буй Empathy Yurtunts ХХК-ийн зүгээс зохион байгуулагдаж байгаа юм. Empathy Yurtunts ХХК нь одоо Улаанбаатар, Дархан, Эрдэнэт болон Баян-Өлгий дэх Монгол-Турк сургуулиуд, мөн нийслэлийн Ulaanbaatar Elite International сургууль, бас боловсролын хэвлэл гаргадаг Empathy Press-ийг өөрийн харьяанд ажиллуулдагюм.

I-SWEEEP Mongolia одоогоор Монгол улсад 8-11 ангид суралцаж буй сурагчдыг энэ олимпиадад өргөнөөр оролцохыг урьж байна. Дэлгэрэнгүй мэдээллийг Дүрэм, Удирдамжийн хэсгээс авч болно.

ЭРХЭМ ЗОРИЛГО

I-SWEEEP-ийн эрхэм зорилго нь:

• Эх дэлхийнхээ байгаль орчны асуудлуудад сурагчдын анхаарлыг хандуулж, татан оролцуулах,

• Өсвөрт үеийнхэндээ энэ талаар хийж болох зүйлсийн талаар таниулж туслах,

• Эдгээр асуудлуудад бодит, хэрэгжихүйц шийдэл олох,

• Хүүхэд залуусыг бага наснаас нь хөгжүүлж, тогтвортой дэлхий өөд урагшлах үйл явцыг хурдасгах,

ХЭТИЙН ТӨЛӨВ

I-SWEEEP нь ахлах ангийн сурагчдын дунд инженер техникийн бүтээл, энергийн бүтээмжит хэрэглээний нээлт зэрэг байгаль орчинд ээлтэй технологийн ухагдхуунуудыг сурталчлан таниулдаг. I-SWEEEP сурагчдад ирээдүйн инженер, эрдэмтэд болоход нь тус дөхөм болох туршлага хуримтлах сайхан боломжийг олгоно. Ирээдүйд олон нийтийн асуудлуудыг ойлгодог, тогтвортой дэлхийг бүтээхэд шинжлэх ухаан технологийн ач холбогдлыг бүрэн ухаарсан, түүнийг хэрэгжүүлж чаддаг бие хүмүүс л байгаль орчны судалгаа шинжилгээ болон хөгжил дэвшлийн тэргүүн шугаманд явах болно.